Dongeng Sasakala

Dongéng Sasakala Gunungputri- Bogor

            Kacaritakeun aya hiji Raja anu karék di tinggalkeun pupus ku istrina. Raja téh mani deudeuh pisan ka istrina, nalika ngantunkeun Raja janten kapikiran waé. Putri milarian calon kanggo Raja. Saatos tunya-tanya ka sakampungna anjeuna papendak sareng randa anu soméah diajak wéh ka Istana sareng putrana. Putri téh langsung ngawanohkeun éta randa ka Raja. Jigana mah Raja ogé satuju sareng Putri kanggo ngangkat éta randa janten istrina. Karajaan langsung ngayakeun hajatan ageung dugi ka lumangsungna ogé saminggu pinuh. Nya rahayat mah remen-remen waé da jarang pisan aya hiburan di daérah ieu mah. Raja bungah pisan tiasa gaduh deui istri anu engkena janten palipur haté kanggo anjeuna. Kaleresan putrana téh istri janten réréncangan ameng Putri. Putri teu nyangki kahirupana tiasa bagja jiga kieu saatos dikantunkeun ku Ibuna. Indung sareng adina mani soméah pisan ka Raja sareng ka Putri téh janten bagja.

            Saatos mang bulan-bulan ti hajatan ageung harita, mimiti ka ciri aya kalakuan goréng boh ti Indung boh ti Adi. Baheula mah Adi téh sok hoyong mun diajak ameng tapi ayeuna mah osok alim waé alesana mah “ alim ah panas bisi hideung” kadang mah osok bari nyentak nyariosna ogé. Putri ayeuna mah osok ameng wéh sareng dayang-dayangna di sisi kolam renang bari nyemprot-nyemprotkeun cai dugi ka ngabaseuhan acukna. Adina mah ngan dangdan waé di kamar jeung Indungna bari nyarioskeun rencana kanggo ngéléhkeun Putri supados Putra Mahkota ti Karajaan sabrang tiasa janten carogé Adina. Putri mah teu teurang nanaon soal perjodohan éta tapi Indungna atos ngadangu cariosan Raja sareng Raja sabrang. Sagala cara kanggo ngéléhkeun Putri dilakonan ku Adina téh mimiti ti diajak tuang kueh padahal mah aya racunan, dugi ka ngajak ibak di Leuwi padahal mah badé dibunuh ku Indungna.

            Putri mah teu gaduh pikiran goréng boh ka Indungna boh ka Adina, nu aya dipikirana mah bageur jeung bageur wéh teu aya nu sanés. Dugi ka rencana kanggo ngabunuh Putri di Leuwi téh kajadian, teu aya nu teurang kamana Putri da di Leuwi ogé teu aya. Raja ngarahkeun Prajuritna kanggo milarian Putri di Leuwi, Raja teu ngeunah haté mikiran Putri anu ngaleungit nalika ibak di Leuwi anu sareng Adina. Nalika soré Prajurit ngabarkeun yén Putri kapendak di Kampung Sabeulah tapi atos janten mayit. Raja mani kasiksa pisan ngadangu caritana asa teu nyangka kunaon Putri tiasa palid dugi ka jauh kitu, padahal mandina téh duaan jeung Adina. Mayit Putri buru-buru dimandian bisi kaburu bau. Énjingna Putri dikurubkeun dicakeut makam Ibuna. Bakat ku soméahna éta Putri sanajan atos janten mayit masih kénéh geulis. Saatos ti makam Indung sareng Adina luluncatan bakat ku bagja ku sabab Putri atos ngantunkeun janten teu aya deui anu ngahalangan kanggo ngagungan Putra Mahkota ti Karajaan sebrang téh. Leres wéh Raja janten ngajodohkeun Putra Mahkota ka Adina. Tapi sateu acan janten acara hajatana aya kabar ti rahayat yén makam Putri unggal dinten ngajangkungan. Raja anu ngadanguna reuwas bari mikir aya naon jeung Putri. Nalika acara hajatan badé dimimitian aya lini anu ageung pisan sareng makam Putri beuki ngajangkungan dugi ka éta Karajaan ka tutup ku makam Putri éta. Janten mimiti ti dinya masyarakat nyebut éta gunung janten “ Gunungputri “.